Şam – SANA
Ji ber bûyerên trafîkê ku duh Pêncşemê li deverên cuda cuda li Sûrîyê rû dan û tîmên Parastina Sivîl a Sûrîyê ya ser bi Wezareta Rewşên Awarte û Birêvebirina Karesatan bersiva wan daye, 21 kes birîndar bûn.
Parastina Sivîl îro Înîyê li ser kanala xwe ya Telegramê ragihand ku ji ber 17 bûyerên trafîkê 21 kes birîndar bûn, û dîyar kir ku tîmên wê alîkarîyên seretayî pêşkêşî wan kirin, piştre ji bo dermankirinê ew veguhastin nexweşxaneyan, di heman demê de şopên bûyeran rakirin û cihên wan ewle kirin.
Her wiha, tîmên Parastina Sivîl bersiva 87 şewatan li seranserî Sûrîyê dan; șewat li mal, dikan, gîya, dar, çop û têlên elektrîkê derketibûn. Tîman agir vemirandin û cihên wan sar kirin. Di van agiran de birîndar tunebûn, û zirar tenê di warê madî de sînordar man.
Parastina Sivîl careke din bi bîr xist ku pêwîst e agir di nav daristan û zevîyên çandinîyê de neyê vêxistin, binikên çixareyan li kêleka rêyan neyên avêtin, her wiah ji şewitandina gîyayên hişk ên li dora xanîyan an li kêleka rêyan dûr bikevin, û pêwîst e ku bi awayên ewle werin rakirin.
