Şam – SANA
Çalakîyên roja sêyemîn a Pêşangeha Navneteweyî ya Şamê ya gera 63yem li Bajarê Pêşangehan li Şamê bi dirûşma “Sûrîye ji nû ve geş dibe” dest pê kir, bi beşdarîya nêzîkî hezar alîyên veberhênanê, pîşeyî, şîrketên xwecihî, Erebî û navneteweyî, ligel wezaret, sazîyên giştî, odeyên bazirganîyê û encumenên karsazîyê yên nûnertîya 60 welatî dikin.
Îro çalakîyên taybet bi karsaz, veberhêner û şandeyên fermî bi dawî dibin, bi mebesta avakirina hevkarîyan, xurtkirina hevdîtinan û îmzekirina peymanên aborî yên berçav. Li ser vê yekê, pêşangeh dê ji sibe Şemîyê heta 4ê Îlona bê rojane ji saet 5:00ê êvarê heta 11:00ê şevê ji bo serlêderan vekirî be.
Ji bo hêsankirina gihîştina serlêderan, rêveberîya pêşangehê wesayitên veguhastinê peyda kirine ku ji Bab Tûma û Beramkeyê li Şamê ber bi Bajarê Pêşangehan ve ji saet 5:00 heta 7:30ê êvarê bi rê dikevin, û rêwîtîyên vegerê ji Bajarê Pêşangehan ber bi Şamê ve ji saet 8:00 heta 11:30ê şevê ne.
Her wiha beşê “Li Sûrîyê Hatiye Çêkirin” bi amadebûna fermî û aborî vebû, ligel ku beşê Wezareta Parastinê pêşbirkek amade kiriye ku roja Şemîyê dest pê dike, ji bo hilbijartina 10 serkeftîyan rojane, da ku beşdarî gerên esmanî bi rêya helîkopterên artêşê li ser Şamê û Bajarê Pêşangehan bibin.
Çalakîya Pêşangeha Navneteweyî ya Şamê ya gera 63yem, bi beşdarîyeke berfireh a navneteweyî ya ku hebûna aborî û bazirganî bi hêz dike, heta 4ê Îlona bê berdewam dike.
