Şam-SANA
Wezîrê Karên Hundirîn Enes Xetab, duh Sêşemê, serdana cihê teqîna ku li nêzî Wezareta Geştyarîyê ya Şamê rû dabû, kir.
Wezareta Karên Hundirîn di daxuyanîyekê de li ser kanala xwe ya Telegramê ragihand ku Wezîr Xetab di gera xwe de agahî derbarê hewldanên yekîneyên di operasyonên paqijkirin û dabînkirinê de pispor in, wergirt, û tekezî li ser piştgirîya parastina ewlehîya welatîyan û temamkirina lêpirsînên ewlekarîyê kir.
Her wiha, Wezîrê Karên Hundirîn serdana nexweşxaneyên Muctehid û Şamî kir, da ku dilê xwe derbarê rewşa tenduristî ya birîndarên teqîna dawî bixe cî.
Wezîr Xetab, ligel kadroyên bijîşkî, rewşa birîndaran û pêvajoya pêşkêşkirina çavdêrî û dermankirinê şopand, û pêwîstîya peydakirina hemû hewcedarîyên bijîşkî yên pêwîst û bikaranîna hemû îmkanan ji bo misogerkirina temamkirina dermankirina wan, dupat kir.
