Şam – SANA
Daîreya Hişyarîya Pêşwext û Amadekarîyê ya Wezareta Rewşên Awarte û Birêvebirina Karesatan hişyarî da ku di rojên Sêşem û Çarşemê de germahî dê bilind bibe û li herêmên navxweyî, Cezîrê û rojhilatê welêt ji asta asayî 3 heta 5 pileyan zêdetir bibe, bêyî ku bigihîje asta pêla germê.
Daîreyê bang li welatîyan kir ku di demjimêrên lûtkeya germê de, ji saet 11ê sibehê heta 5ê êvarê, xwe rasterast nedin ber tîrêjên rojê, gelek avê vexwin, vexwarinên ku kafeîn û gaz tê de hene kêm bikin, ji xwarinên rûnî dûr bikevin, û ji ewlehîya xwarinan piştrast bibin.
Her weha bal kişand ser girîngîya vênexistina agir li zevî û daristanan, hişyarîya ji mar û dûpişkan, nehiştina zarok û kesên pîr di hundurê erebeyan de, dûrketina ji avjenîyê li cihên nehatine destnîşankirin, û danîna tasên avê ji bo ajal û çûkan di dema germahîyên bilind de.
