Şam-SANA
Bi serpereştîya Sekreterîya Giştî ya Serokkomarîyê, îro Sêşemê çalakîyên konferansa destpêkirina “Ajendeya Niştimanî ya Şirketên Nûr”, ku ji hêla Wezareta Ragihandin û Teknolojîyê ve tê sazkirin, li hola Rida Seîd a Zanîngeha Şamê dest pê kirin.
Alîkarê Sekreterê Giştî yê Serokomarîyê ji bo Karûbarên Encumena Wezîran, Elî Kede, di peyva xwe de di konferansê de got:
Cezayên ku li ser Sûrîyê ji ber sîyasetên rejîma berê hatine ferzkirin bûn sedema îzolekirineke 14 salî. Vê yekê şirketên teknolojîyê ji amûrên fînansekirin, teknolojî û bazaran bêpar hiştin, û valahîyek di navbera veguhertinên dîjîtal ên cîhanî û ketwara navxweyî de ava kir.
Destpêkirina Ajendeya Niştimanî ya Şirketên Nû çarçoveyeke xebatê ye ji bo birêkûpêkkirina têkilîya di navbera dewlet û sektora taybet de. Derî jî li ber damezrandina şirketên nû vkir. Armanc ew e ku lêkolînên zanistî bibin hilberîn û raman bibin karsazîyên mayînde, ne tenê zêdekirina hejmara şirketan.
Rênimayên serokatîyê hene ku piştgirîyê didin rêya geşbûna teknolojîk. Nûgerî wekî bingeha avakirina aborîya paşerojê tê dîtin. Ev yek hemû alîyan han dide ku bi ruhekî yekgirtî û bi rêbazeke ku berjewendîya Sûrîyê û ciwanên wê di ser her tiştî re digire, bixebitin.
Wezîrê Ragihandin û Teknolojîyê Ebdulselam Heykel di Peyva xwe di Konferansa Destpêkirina “Ajendeya Niştimanî ya Şirketên Nû” de got:
Destpêkirina vê ajendeyê di dîroka pêşengîya Sûrîyê de kêlîyeke girîng û dîrokî ye. Ev yek ji bawerîyeke xurt tê ku şirketên nû yên teknolojîk livînerekî bingehîn in ji bo başbûna aborî, afirandina derfetên kar û bilindkirina asta berhemanînê.
Ajende li ser nêrîneke stratejîk a ji bo salên 2025-2030an ava dibe. Armanca wê avakirina sîstemeke hevgirtî ya şirketên nû yên teknolojîk e, ku bikaribin geş bibin û di asta herêmî û navdewletî de fireh bibin.
Ev ajende veguhertineke kalîteyî ye di awayê piştgirîkirina pêşengtîya teknolojîk li Sûrîyê de; bi vî rengî ji destpêşxerîyên belawela û kêm-bandor derbasî çarçoveyeke niştimanî ya yekgirtî dibe. Ev çarçove hewldanan hevrêz dike, rolan dîyar dike û rêyeke zelal ji bo pêşxistina sîstema pêşengtîyê di pênc salên bê de amade dike.
Wezîrê Perwerdeya Bilind û Lêkolînên Zanistî Merwan El-Helebî di peyva xwe di konferansa destpêkirina “Ajendeya Niştimanî ya Şirketên Nû” de got:
Destpêkirina ajendeyê rawestgeheke niştimanî ya girîng e. Ev yek çûna dewletê ya ber bi avakirina aborîyeke li ser bingeha zanîn û nûgerîyê nîşan dide, û ciwanan şîyandar dike ku ramanên xwe veguherînin projeyên berhemdar.
Destpêkirina ajendeyê hişmendîyeke pêşketî raber dike ku veberhênan ji mêjîyan dest pê dike; veberhênan ne bi qebareya mesrefan, lê bi şîyana dewletê ya avakirina jîngeheke ku piştgirîya afirînerîyê dike tê pîvandin. Ev rê li ber veguhertina ji perwerdeyê ber bi berhemanînê, ji lêkolîna zanistî ber bi pêşengtîyê û ji laboratuwarê ber bi bazarê ve vedike.
