Şam-SANA
Kompanya Têkilîyan a Sûrîyê ragihand ku xizmeta înternetê li bajarê Helebê hatîye birîn, ev yek wekî encama qutbûna kabloyeke sereke ya tîşkî pêk hat.
Kompanyê di daxuyanîyekê de ku SANAyê îro Duşemê kopîyek jê wergirt, dîyar kir ku tîmên wan ên teknîkî ji bo çareserkirina vê jikarketinê û vegerandina xizmetê di zûtirîn dem de dixebitin. Kompanyê tekez kir ku ew her dem ji bo misogerkirina berdewamîya xizmetê û baştirkirina kalîteya wê pabend e.
Tora tîşkî berê jî di demên cuda de rastî jikarketinên wiha ji nişka ve hatibû, ku Kompanya Têkilîyan a Sûrîyê di çarçoveya planên sererastkirin û nûjenkirina binesazîyê de ji bo xurtkirina aramîya xizmetan ew çareser kiribûn.
