Şam-SANA
Wezîrê Darayî yê Sûrîyê Mihemed Yusir Bernîyê, di dawîya serdana wan a bo Sûrîyê de, ligel şandeya şêwirê ya Fona Pereyan a Navneteweyî bi serokatîya Cîgirê Rêveberê Beşa Rojhilata Navîn û Asyaya Navîn Ron van Rooden, civîya.
Di civînê de geşedanên aborîya Sûrîyê, nîşaneyên başbûnê, asoyên geşepêdana aborî û performansa darayîya giştî di çarçoveya şopandina hewldanên çaksazîyên darayî û aborî de hatin gengeşekirin.
Wezareta Darayî di daxuyanîyekê de li ser kanala xwe ya Telegramê îro Yekşemê dîyar kir ku civînê behsa performansa darayîya giştî, texmînên performansa sala 2026an, amadekarîyên budceya sala 2027an, pêşketina reforman di sektora darayî û bankî de û hewldanên wezaretê ji bo pêşxistina alavên fînansekirina navxweyî, di nav de destpêkirina derxistina senedên serwerîyê, kir.
Di civînê de tekezî li ser giringîya berdewamîya hevahengîya teknîkî û hevkarîya dualî hat kirin da ku çaksazî bên temamkirin û cîbicîkirina pêşnîyaran di qonaxa bê de were şopandin.
