Enqere – SANA
Parêzgerê Gundewarê Şamê Amir El-Şêx ligel Walîyê parêzgeha Qonyayê ya Tirkîyê Îbrahîm Akîn û Şaredarê wê Ugur Altay, rêyên xurtkirina hevkarîyê di warên rêveberîya bajêrvanîyê û pevguherîna serpêhatîyan de gotubêj kirin.
Parêzgerê Gundewarê Şamê roja Înê li Qonyayê, li ser rêyên pêşxistina hevkarîya teknîkî, xizmetguzarîyên rêveberîya şaredarîyan, veguherîna dîjîtal, veguhastin û birêvebirina bermayîyan sekinî; bi armanca veguhastina serpêhatîyên serkeftî û pêşxistina karên xizmetguzarîyê li Gundewarê Şamê.
Hêjayî gotinê ye ku bajar û bajarokên Gundewarê Şamê rûbirûyî wêrankarîyeke sîstematîk ji alîyê rejîma berê ve bûbûn, ku binesazî û sazîyên giştî dabûn ber xwe; ev yek jî pêwîstîya sûdgirtin ji serpêhatîyên bajarên ku xwedan tecrûbeyên serkeftî ne di rêveberîya bajêrvanîyê de, derdixe pêş.
