Şam-SANA
Syrian Airlines destpêkirina geştên xwe ji û ber bi Balafirgeha Navdewletî ya Şamê ve ji saet çarê êvara vê Duşemê ve ragihand, ev yek jî li gora biryara Desteya Giştî ya Firokvanîya Sîvîl a ji bo vekirina korîdorên asmanî yên başûrî ye, piştî bidawîbûna nirxandinên teknîkî û misogerkirina ewlehîya firokvanîyê.
Şirket niha li ser ji nû ve sazkirina bernameya geştên ku ji ber girtina demkî bandor li wan bûye, kar dike, û amadekarîyên xebatê ji bo vegerereke hêsan a tevgera asmanî misoger bibe temam dike. Şirketê bang li rêwîyan kir ku demên geştên xwe li ser kanalên fermî û nivîsgehên şirketê bişopînin, û berî wextê firînê bi demeke têrker li balafirgehê amade bin da ku karûbarên geştê bi hêsanî bi dawî bibin.
Syrian Airlines pabendbûna xwe bi pêşkêşkirina xizmetguzarîyên herî baş ji bo rêwîyan tekez dike, û girîngîya hevahengî û şopandina berdewam nîşan dide da ku ezmûneke geştê ya aram û ewle were misogerkirin, ligel vegera operasyonên xebatê yên tam li balafirgehê û tevgera firokvanîyê ya birêkûpêk.
