Heleb-SANA
Sivîlên ji bajarê Dêr Hafirê û bajarokê Meskeneyê li rojhilatê Helebê îro gihîştin herêmên li jêr kontrola dewleta Sûrîyê, piştî ku wan rêyên alternatîf û metirsîdar derbas kirin. Ev yek piştî wê yekê hat ku rêxistina HSDê rê li ber wan girt û nehişt di korîdora mirovî ya gundê Himêmeyê re ku ji alîyê Artêşa Erebî ya Sûrîyê ve hatibû ragihandin, derbas bibin.
Hejmarek sivîl piştî gihîştina herêmên ewle ji bo SANAyê axivîn; ji wan Ehmed Îsa El-Huseyn tekez kir ku hêzên rêxistina HSDê nehiştin şênî di korîdora mirovî ya ku dewleta Sûrîyê ragihandibû re derkevin, lewma ew neçar man di rêyên din ên pir metirsîdar re derbas bibin.
Parêzgarê Helebê Ezam El-Xerîb li ser rûpela xwe ya Xê got: “Em rêgirîya li pêşîya sivîlan ku di korîdora ewle re derbas nebin şermezar dikin. Em rêxistina HSDê bi temamî berpirsyarê her metirsîyekê dibînin ku bi serê wan de were û em bang li civaka navneteweyî dikin ku ji bo parastina şênîyan bi lezgînî tev bigere.”
Rêxistina HSDê îro Pêncşemê astengî li pêşîya derketina sivîlan ji Dêr Hafir û Meskeneyê ber bi herêmên kontrola dewletê ve derxist û nehişt ew di korîdora mirovî ya Himêmeyê re derbas bibin, ku ji alîyê rêveberîya herêmê ve bi hevahengîya ligel Desteya Operasyonên Serbazî hatibû ragihandin.
