Şam-SANA
Wezîrê Rewşên Awarte û Rêveberîya Karesatan, Raid Salih, bi Patrîk Mar Ignatius Eframê Duyem re, Patrîkê Antakya û Tevahîya Rojhilatê û Serokê Bilind ê Dêra Suryanî ya Ortodoks li Cîhanê, awayên xurtkirina hevkarîyê di warên xizmeta civakî de gotûbêj kir.
Duh Raid Salih di serdaneke fermî de çû Dêra Mar Cercis a Suryanîyên Ortodoks li Şamê. Di wê serdanê de, her du alîyan tekezî li ser girîngîya piştgirîya bernameyên keşafe û karê xwebexş kir, ku ev yek şîyana ciwanan ji bo xizmetkirina welatê xwe û pêşxistina berpirsyarîyên xwe yên mirovî û niştimanî zêde dike.
Patrîk Eframê Duyem jî ji alîyê xwe ve spasîya hewldanên wezaretê di piştgirîya destpêşxerîyên civakî de kir, amadebûna dêrê ji bo pêşkêşkirina her tiştê pêwîst ji bo piştgirîya bernameyên perwerde û hişyarîyê jî piştrast kir, bi mebesta xizmetkirina berjewendîya giştî û xurtkirina nirxên hezkirin û hevgirtina niştimanî.
Ev hevdîtin di çarçoveya xurtkirina hevbeşîya di navbera sazîyên dewletê û alîyên olî û civakî de tê, xasma bilindnirxandina rola wan di avakirina mirov û civakê de.
