Amerîka ji ber Zêdebûna Alozîyan Hişyarîyê Dide Welatîyên Xwe derbarê Rêwîtîya ber bi Rojhilata Navîn ve

Washington-SANA
‏Dewletên Yekbûyî yên Amerîkayê (DYA), îro Sêşemê, hişyarîyeke nû bo welatîyên xwe yên ku dixwazin rêwîtîyê ber bi herêma Rojhilata Navîn ve bikin belav kir, li jêr sîya  zêdebûna alozîyan û destpêkirina nû ya lêdanên Washingtonê li dijî Îranê.
Wezareta Derve ya Amerîkayê di daxuyanîyekê de ku li ser platforma Xê belav kiriye got: «Rewşa ewlehîyê li Rojhilata Navîn hîn jî aloz e û texmîn heye ku gurbûneke pêşbînînekirî çêbibe» Wezaretê bang li Amerîkîyên li herêmê ne kir ku gelekî baldar bin, û bizanin ku pêkan e geştên esmanî betal bibin,  qada esmanî were girtin  û  astengî di tevgera rêwîtîyê de derkevin.‏
Wezaretê hişyarî da derbarê ihtimala ku Îran û komên bi ser wê ve, berjewendîyên Amerîkayê yên li derveyî welat an cihên têkildarî wê û hevwelatîyên wê li seranserî cîhanê, di nav de şirket û sazîyên Amerîkayê, bikin armanc.