Heleb-SANA
Fermandarîya Hêzên Ewlehîya Hundirîn li parêzgeha Helebê, ragihand ku wan lêkolîneke berfireh û komîteyeke pispor ji bo ku li ser hûrgilîyên bûyera serîhildan û şewata ku Îna borî danê êvarê li girtîgeha bajarê Kobanê rû dabû bisekine, her wiha ji bo ku hemû kadroyên ku girtîgehê bi rê ve dibin bi rengî qanûnî bide darizandin, daye destpêkirin.
Di daxuyanîyeke Hêzên Ewlehîya Hundirîn ya Helebê de, hat dîyarkirin ku bûyer ji ber wê yekê derketiye ku yekî ji girtîyan di dema serîhildanê de betanîya xwe şewitandiye, ev jî bûye sedema belavbûna êgir û bilindbûna dûmanê bi awayekî ku ji kontrolê derketiye, di encamê de jî 10 girtî ji ber şewat û xeniqandinê jîyana xwe ji dest daye û 16 girtîyên din jî birîndar bûne û tûşî rewşên xeniqandinên yên cuda cuda bûne.
Daxuyanîyê piştrast kir ku Wezareta Navxwe û Hêzên Ewlehîya Hundirîn yekser ligel hemû kadro û çavdêrên girtîgehê lêkolîn û lêpirsîna qanûnî ji bo zanîna sedemên xemsarîyê û bûyerên ku qewimîne vekiriye. Li alîyê din jî, destnîşan kir ku kesên ji ber şewatê birîndar bûne niha li nexweşxaneyê çareserî û lênêrîna bijîşkî ya pêwîst werdigirin.
