Roma-SANA
Şûnwarnasan sê gorên kevirî yên nû yên ku di nav çîyayên girava Sardînyaya Îtalyayê de hatine kolandin û vedigerin serdemên berî dîrokê, vedîtin. Ev vedîtin, rîtuelên binaxkirinê û normên civakî yên civakên kevnar ên li herêmê raber dike.
Malpera “Times of India”yê di raporeke ku vê dawîyê weşandiye de dîyar kir ku gorên ku hatine vedîtin, li şêwazekî vedigerin ku bi navê “Domus de Janas” yan jî “Xanîyên Perîyan” tê naskirin, ku odeyên goristanan ên kevirî ne ku berî nêzî 5000 salan di çîyê de hatine kolandin. Malperê destnîşan kir ku bi vê vedîtinê re hejmara odeyên goristanên naskirî yên li cihê Sant’Andrea Priu li Sardînyayê gihîştiye nêzîkî bîst odeyan.
Lêkolîneran dîyar kir ku ev gor beşek ji mîrateya şûnwarî ya girava Sardînyayê ne û derbarê rêbazên binaxkirina mirîyan a niştecihên giravê di serdemên berî dîrokê de belgeyên nû pêşkêş dikin.
Şûnwarnasan bal kişand ser wê yekê ku lêkolînkirina van sazbûnên kevirî alîkarîya têgihîştina pêşketina civakên kevnar ên li Deryaya Navîn, bi taybetî bi rêya vekolîna sêwirana goran, nexş û xemilandinan û berhemên bi wan re têkildar, dike.
Lêkolîner karên kolandin û lêkolînê li cihê şûnwarî berdewam dikin, bi armanca eşkerekirina agahîyên zêdetir derbarê şaristanîyên ku ev gor ava kirine û rola wan di dîroka mirovahîyê ya herêmê de.
