Enqere-SANA
Şandeke Dezgeha Giştî ya Jeolojî û Çavkanîyên Madenî li Sûrîyê beşdarî karên 78emîn gera Kongreya Jeolojî ya Tirkîyê bû ku li Enqereyê tê lidarxistin; ev yek bi vexwendineke fermî ji alîyê Odeya Endezyarên Jeolojî yên Tirkîyê ve pêk hat.
Wezareta Enerjîyê bi rêya kanala xwe ya Telegramê îro Pêncşemê dîyar kir ku şandeya Sûrî bi serokatîya Rêveberê Giştî Sîrac El-Herîrî, mijarên girêdayî jeolojî, avhewa û kêşeyên hişkesalîya cîhanî gengeşe kirin, bi beşdarîya berfireh a pispor û lêkolînerên ji gelek welatan.
Beşdarbûna şandeya Sûrî di çarçoveya bihêzkirina amadebûna zanistî ya dezgehê, pevguhertina ezmûnan bi desteyên jeolojî yên herêmî û navneteweyî re, û naskirina nûtirîn lêkolîn û teknolojîyên di warên zanistên erdê de tê.
