Parîs-SANA
Şandeke Wezareta Hundir bi serpereştîya Rêveberê Rêveberîya Hevkarîya Navdewletî Eqîd Ebdilrehîm Cebare û endamtîya Rêveberê Rêveberîya Ragihandinê Muqedem Ebdilrehîm El-Qasim û Serokê Şaxa Înterpolê Mihemed Xêr Tehîne, beşdarî Konferansa Cîhanî ya Înterpolê ya Peywendîyên Polîsî bû, ku li bajarê Lyonê yê Fransayê hat lidarxistin.
Wezaretê di daxuyanîyekê de îro Duşemê eşkere kir ku armanca vê beşdarîyê xurtkirina çarçoveyên hevkarîya navdewletî, pêşvebirina pergala peywendîya ewlehîyê ya pêşwext, û hînbûna rêyên serederîkirina bi qeyranan re û peywendîya bi dezgehên ragihandinê yên navxweyî û navdewletî re ye; da ku ev yek xizmeta peyama ewlehîyê bike û bingehên şefafîyetê xurt bike.
Ev beşdarî di çarçoveya hewldanên Wezareta Hundir de tên ji bo pêşxistina şîyanên kadroyên we, xurtkirina hevkarîya zanistî û dezgehvanî û pevguhertina pisporîyan bi awayekî ku beşdarî bilindkirina asta pergala karê ewlehî û çaksazîyê bibe.
