Mosko-SANA
Lêkolînerên li Zanîngeha Dewletê ya Tyumenê ya Rûsî, sîstemeke nû pêş xistin ku xwe dispêre teknolojîyên zîrekîya destkird ji bo vedîtina zû ya şûna ku gaz di be re tê, bi rêya şîrovekirina daneyên kamerayên tîşên jêrsor û xwendinên amûrên analîza gazê, arasteya bayê û komek daneyên din ên çavdêrîyê, bi awayekî ku di lezkirina bersivdana bûyeran, kêmkirina zîyanên gazê û xurtkirina pîvanên ewlehîyê û parastina jîngehê de dibe alîkar.
Ajansa “Sputnik”ê dîyar kir ku sîstema nû ji bo vedîtina otomatîk a şûnên biçûk ên ku gaz di ber wan re tê ku dibe rêbazên pişkinînê yên kevneşopî wan nebînin, hatiye dîzaynkirin. Mekanîzmaya karê wê xwe dispêre yekkirina daneyên cihêreng û şîrovekirina wan di dema rasteqîn de bi bikaranîna algorîtmayên dîtina kompûterê û torên damarî, bi awayekî ku rê dide hişyarkirina operatoran, demildest piştî dîtina her nîşaneyeke çêbûna şûneke nû ku gaz di ber re tavêje.
Lêkolîneran zalal kir ku şûnên ku gaz di ber wan re tê, nemaze gaza mîtanê ku pêkhateya sereke ya gaza xwezayî ye, ji ber şîyana wê ya bilind a şewitînê, gefê li ewlehîya giştî dixwin, ji bilî bandora wê ya jîngehî û zîyanên aborî yên ku çêdike, ev yek leza vedîtina wê dike faktoreke bingehîn di kêmkirina metirsîyan de.
