Wașington – SANA
Piştî tomarkirina bûyerên germbûna ji nişka ve ku bûn sedema şewitîna hejmarek ji wan, Desteya Ewlehîya Bikarhênerên Amerîkî ragihand ku zêdetirî 210 hezar amûrên şarjê yên veguhêz (Power Bank) ji modela INIU 10,000mAh – modela BI-B41 vedikişîne.
Alîyên pêwendîdar bang li bikarhêneran kir ku hejmarên rêzbend ên li binê amûrê kontrol bikin, ji ber ku vekişandin bi tenê wan amûran li xwe digire ku van hejmaran hildigirin: 000G21, 000H21, 000I21, 000L21, û divê demildest bikaranîna wan rawestînin ji bo dûrketina ji her metirsîyeke pêşbînîkirî.
Şarjên “Power Bank”ê yek ji wan amûrên veguhêz in ku herî zêde rûbirûyî metirsîyên bilindbûna germê dibin, ji ber ku bataryayên lîtyûm-iyon ên bi tîrîya bilind li xwe digirin, ku dibe ku ji ber çêkirina xirab an bikaranîna şaş têk herin.
