Oslo – SANA
Tîmeke lêkolînê ya Norwecî ji bo piştgirîya kesên ku arîşeya zêdexwarinê yan xwarina bêkontrol dikişînin, bernameyeke dermankirinê ya nûjen bi pêş xist.
Ev rêbaz li dewsa şêwazên derûnî yên kevneşopî, xwe dispêre werziş, rahênanên laşî û rêkxistina danên xwarinê.
Malpera zanistî ya Norwecî “Forskning”ê îro Sêşemê da xuyakirin ku lêkolînek ji alîyê tîmeke zanistî ve bi serpereştîya Prof. Therese Fostervold Mathisen ji “Koleja Zanîngehî ya Ostfold”ê li Norwecê hatiye encamdan, nîşan daye ku bernameya “rahênanên laşî û dermankirina xurekî” tenê piştî 16 hefteyan ji cîbicîkirinê, li gorî dermankirina reftarî-nasînî (CBT) ya kevneşopî, encamên saxlemîyê yên berbiçavtir û bileztir bi dest dixe.
Lêkolîneran destnîşan kir ku ev bername gihîştina nexweşan bi derman û çareserîyê li niştecihên wan hêsan dike; bêyî ku pêdivî bi rêkarên veguhestinê yên aloztir an lîsteyên dirêj ên çaverêkirinê hebe.
Di heman demê de, derfeta wergirtina çavdêrîya rasterast ji hêla pisporên xurekê, fîzyoterapîyê û werzişê ve tê dayîn; ev yek jî dihêle nexweş di nava jîyana xwe ya asayî ya rojane û kar û xebata xwe de, bêyî qutbûn pabendî dermankirinê bimînin.
