Şam- SANA
Pisporên qanûnî û hiqûqî ji SANAyê re piştrast kirin ku eşkerekirina çarenûsa windahî û kesên bi darê zorê hatine windakirin, pêngaveke cewherî û heqkirî ye di rêya dadwerîya veguhêz û û vegerandina mafên qurbanîyan û malbatên wan de.
Sekretera Sendîkaya Parêzeran, Umeyma Îdrîs, dîyar kir ku windakirina bi darê zorê tawaneke dualî ye dijî mirovahîyê, û belgekirina wê destpêka rêyeke neteweyî ya dirêj e ku rastîyê bi berpirsyarî û qerebûkirina zirarê ve girê dide. Ji alîyê xwe ve, parêzer Emmar Izedîn da zanîn ku daxuyanîya Wezareta Navxweyî derbarê encamên lêkolînên girêdayî mirina zarokên Dr. Ranya El-Ebasî û tevlîbûna kesê bi navê Emced Yûsif û milîsên rêjîma berê, mafekî resen diçespîne ku bi derbasbûna demê re wenda nabe. Wî destnîşan kir ku divê berpirsyarîya tawana navdewletî sîstema ewlehî û dadwerîyê bi temamî di nav xwe de bihewîne, û bang ji bo erêkirina qanûneke taybet bi dadwerîya veguhêz kir.
Ji alîyê xwe ve, Seroka Rêxistina ” Bîla Wiyûd/ Bê Bend” a hiqûqî Dr. Fatin Remedan, tekez kir ku dosyeya kesên winda ya herî lezgîn e ji bo çaksazîya sazîyan û avakirina pêbawerîyê. Di heman demê de, wezîrên Dad û Navxweyî û berpirsên Desteya Dadwerîya Veguhêz piştrast kirin ku eşkerekirina rastîyan û hesabpirsîn bingeha çespandî ya serwerîya qanûnê ne.
