Wașington – SANA
Serokê Amerîkayê Donald Trump, îro Sêşemê li Koşka Spî, di dema pêşwazîkirina hevtayê xwe yê Libnanî Joseph Aoun de, tekez kir ku Amerîka dê alîkarîya Libnanê bike û “bi rengekî şayist û rêzdar” danûstandinê ligel wê bike, û bal kişand ser wê yekê ku peywendîyên di navbera her du welatan de baş in.
Ajansa Nûçeyan a Neteweyî ya Libnanê ji ser zarê Trump veguhest ku gotiye: “Kesên balkêş û rewşenbîr li Libnanê hene, belkî ew derdê pirsgirêka Hizbullahê dikişînin.” her wisa bal kişand ser wê yekê jî ku welatê wî “karekî ku dê cîhan bibîne kiriye” û anî ziman ku çendîn planên Amerîkayê ji bo alîkarîya artêşa Libnanê hene, û ew dê ligel Serok Aoun rêyên piştgirîya Libnanê gotûbêj bike.
Trump destnîşan kir ku artêşa Îsraîlê “di qonaxa vekişîna ji Başûrê Libnanê de ye” û got ku Libnan “welatek e ku demeke dirêj e serederîyeke nebaş pê re hatiye kirin” û welatê wî “dê gelek pirsgirêkên têkildarî wê çareser bike, ku ji xwe hinek ji wan hatine çareserkirin”. Trump eşkere kir ku peywendîyên ligel Libnanê û civînên di navbera her du alîyan de pêk hatine, baş bûn,
Ji alîyê xwe ve, Serokê Libnanî Joseph Aoun di civînê de tekez kir ku “dem hatiye ji bo Libnan têkeve xweşîya aştîyê” û bal kişand ser wê yekê ku welatê wî û Amerîka “dikarin bi hev re bigihêjin vê armancê.”
Aoun spasîya Serok Trump kir ji bo alîkarîya di gihîştina “destkeftîya dîrokî de bi rêya îmzekirina peymana çarçoveyî ligel Îsraîlê.”
Serokê Libnanê zelal kir ku “armanca dawî dumahîanîna li dijminatîya di navbera Libnan û Îsraîlê de ye bo hetahetayê.”
