Xertûm – SANA
Di êrîşeke hêzên “Piştgirîya Bilez” de li ser devera Mistirîheyê ya li Darfûrê, 28 sivîl hatin kuştin û 39ên din jî birîndar bûn. Di encama êrîşê de yekane navenda tenduristîyê hat rûxandin û koçberîyeke berfireh çêbû. Di vê navberê de rêxistinên mafên mirovan êrîş şermezar kirin û daxwaza dadgehkirina berpirsan û parastina sivîlan kirin.
Burhan tekezîyê li ser berdewamîya şer dike
Burhan pabendbûna xwe bi “Şerê Rûmetê” heta têkbirina Piştgirîya Bilez nû kir. Wî tekez kir ku derîyê “tobeyê” ji bo kesên vegerin ser rêya rast vekirî ye, lê yên ku di dijminatîya artêş û gel de berdewam bin dê werin cezakirin.
Wezareta Karên Derve ya Sûdanê her pêşnîyarek ji bo çareserkirina nakokîyan ku serwerîya Sûdanê, yekparçeyîya xaka wê, sazîyên wê û berjewendîyên wê yên bilind mîsoger neke, red kir.
Mis′ed Boulos bang li alîyên nakok ên Sûdanê kir ku ji bo gihandina alîkarîyan û pêkanîna aştîyeke dadperwer demildest agirbesteke mirovî ragihînin. Ev bang di demekê de tê ku pevçûnên ji Nîsana 2023an ve berdewam dikin û krîza mirovî û birçîbûn kûrtir dibe, tevî ku derfetên çareserîya sîyasî kêm bûne.
