Rîyad-SANA
Encumena Hevkaryê ya Kendavê bi tundtirîn gotinan biryara desthilatên dagirkerîyê yên Îsraîlê ya destdanîna ser rûberên berfireh ji axa Kenara Rojava û veguherandina wan bo tiştê ku jê re dibêjin “milkê dewletê”, şermezar kir.
Sekreterê Giştî yê Encumena Hevkaryê ya Kendavê Casim El-Bedêwî biryara niştecihkirina Îsraîlî şermezar kir û ew wek binpêkirineke eşkere ya yasayên navdewletî û destdirêjîyek li ser mafên Filistînyan bi nav kir. Wî daxwaz ji civaka navdewletî kir ku helwesteke tund û pêngavên bilez ji bo rawestandina van sîyasetan bigire ber xwe, û careke din piştgirîya domdar a Encumenê ji bo mafên gelê Filistînê li gorî rewatîya navdewletî nû kir.
Hikûmeta dagirkerîyê biryarek pejirand ku rê dide tomarkirina rûberên berfireh li Kenara Rojava wekî “axa dewletê” ji bo cara yekem ji sala 1967an ve, ku ev rê li ber kontrolkirina wan vedike. Ev biryar di nava şermezarkirinên berfireh ên Erebî û navdewletî de hat.
