Şam-SANA
Wezareta Navxwe tekez kir ku ew bi xemeke mezin wan alozîyên ku hinek herêm li parêzgeha Îdlibê tê re derbas dibin dişopîne, ew jî li gorî daxwazên gel ên ji bo darizandina berpirsên wan tawan û binpêkirinên ku di salên desthilatdarîya rejîma berê de li dijî Sûrîyan hatine kirin.
Wezaretê di daxuyanîyekê de duh Yekşemê derbarê bûyerên dawî yên li parêzgeha Îdlibê got: Wezareta Navxwe li ber dikeve û dizane ku hestên hêrs û êşê yên ku wan tawanan di dilê şênîyan de hiştine çiqasî dijwar in. Loma, destnîşan dike ku pêkanîna dadperwerîyê û darizandina tawankar û binpêkirinan berpirsyarîyek e ku dewlet bi rêya sazîyên xwe yên pispor li xwe digire, û ew ê tu carî li hember tu kesî ku destê wî di rijandina xwînê de yan cîbicîkirina binpêkirinan li dijî zarokên gelê Sûrîyê were selmandin, sistîyê neke.
