Şam-SANA
Di 24 demjimêrên borî de, ji encama rûdana 23 bûyerên trafîkê li navçeyên cuda yên Sûrîyê 20 kes birîndar bûn, û tîmên Parastina Sivîl ên Wezareta Rewşên Awarte û Birêvebirina Karesatan bersiva wan da.
Parastina Sivîl bi rêya kanala xwe ya Telegramê, îro Çarşemê, ragihand ku tîmên wan alîkarîya bijîşkî ya pêşîn ji birîndaran re pêşkêş kirine, paşê ji bo wergirtina dermankirina pêwîst bo nexweşxaneyan hatine veguhestin, her wiha şûnmayên rûdanan hatin rakirin û cihên wan hatin ewlekirin.
Parastina Sivîl careke din bang li ajokaran kir ku divê leza xwe kêm bikin, ji rewşa teknîkî ya otomobîlan, karê frenan û paqijkerên caman piştrast bibin, her wiha ji reftarên ku mirov mijûl dikin mîna bikaranîna telefonên destan dûr bikevin.
Her wiha tîmên Parastina Sivîl bersiva 83 şewatan da, ku 3 ji wan li nav zevî û berhemên çandinîyê, û 80yên din li nav mal, dukanên bazarganî, gîya, dar, zibil û têlên elektrîkê bûn. Şewat hatin vemirandin û cihên wan hatin sarkirin; bêyî ku tu birîndar bên tomarkirin, û zîyan tenê madî bûn.
Parastina Sivîl tekezî li ser wê yekê kir ku divê li navçeyên daristanî û zevîyên çandinîyê agir neyê pêxistin, boçikên çigareyan an şûşe li kêleka rêyan neyên avêtin, bi taybetî li navçeyên nêzîkî berhemên çandinîyê û daristanan, her wiha divê gîyayên hişk ên li derdora malan an li kêleka rêyan neyên şewitandin, û bi rêyên ewle bên rakirin.
