Quneytira-Der’a-SANA
Îro Yekşemê hêzeke Îsraîla dagîrker a ku ji du wesayîtên leşkerî pêk dihat, derbasî ser rêya ku gundê Seyda El-Colan û Mezre’et El-Besalî li gundewarê Quneytirayê yê başûr digihîne hev bû, û xaleke kontrolê ya demkî danî, her weha operasyonên teftîşkirina rêwîyan berî ku ji herêmê vekişe pêk anîn.
Her weha hêzên dagîrkerîyê xaleke kontrolê ya leşkerî ya demkî li ber dergehê rojhilatî yê gundê Me’rîyê li devera Hewda El-Yermûk li rojavayê Parêzgeha Der’ayê danîn, û dest bi teftîşkirina rêwî, alav û wesayîtên veguhastina giştî berî ku vekişin, kirin.
Serokê Şaredarîya Me’rîye û Abidînê Miwefeq Mehmûd ji SANAyê re dîyar kir ku: Sibeha îro Yekşemê çar alavên leşkerî yên dagîrkerîyê ku nêzîkî 150 serbazî li ser hebûn gihîştin herêmê, û xaleke kontrolê li nêzîkî navenda telefonê li ber dergehê gund ji alîyê rojhilat ve danîn, û dest bi operasyonên teftîşkirina rêwî û tirimbêlan kirin, bêyî ku tu agahî derbarê girtin an desteserkirina kesekî de werin.
