New Delhî – SANA
Vekolerên Hindistanê, alaveke biçûk ku bi telefona zîrek ve dibe, pêş xist.Telefona zîrek wê vediguherîne alaveke pişknîna çavan û alîkarîyê dike ku “Ava Spî” bê dîtin, ev yek, bi taybetî li gund û navçeyên dûrdest û veder ku ji bo wan zehemt e bigihîjin bijîşkên çavan, bikêrhatî ye.
Malpera Amerîkî “News-Medical”ê ya pispora nûçeyên bijîşkî û zanistî, îro Sêşemê dîyar kir ku vekolerên ji Nexweşxaneya Aravind a Çavan li Hindistanê ev alav bi hevkarîya Zanîngeha Johns Hopkins a Amerîkî pêş xistiye.
Ev alav wekî pêvek, bi rêya telefoneke bi sîstema “android”ê dixebite ku xwedî mercekeke (lens) mezinker û du çirayên ronahîyê ye; ji bo girtina wêneyekî zelal ê beşa pêşî yê çavê nexweş, paşê xebatkarekî tenduristîyê yê herêmî wê bi rêya sepana bijîşkî ji bijîşkekî pispor ê çavan re ku li cihêkî din, rê dike da ku lê binêre û biryara dermankirinê bide.
Vekoleran zelal kir ku mebesta vê dahênanê ew e ku derfetê bide xebatkerên tenduristîyê yên gundewaran da ku pişknîna pêşî ya çav bikin bêyî ku pêdivî bi hebûna bijîşkekî pispor li heman cihî hebe. Ev yek jî nexweşan ji zehmetîya rêwîtîya dûrûdirêj xilas dike. Her wiha ev alav bi lêçûna xwe ya kêm tê naskirin; ew erzan e û telefona ku di pişknînê de tê bikaranîn jî pê re tê û li navçeyên ku zehemtîya înternetê jî dikişînin, dixebite.
