Qahîre-SANA
Serokê Misirê Ebdilfetah El-Sîsî û Mîrê Cînişîn ê Erebistana Siûdî Mihemed bin Selman, di hevdîtinên xwe yên li Qahîreyê de, tekezî li ser pêwîstîya misogerkirina ewlehî û azadîya keştîvanîyê li Deryaya Sor û tengavên Hurmuz û Bab El-Mendebê kir, û her êrîş an dijminkarîya ku aramîya Erebistana Siûdî û welatên Erebî û ewlehî û serwerîya wan dikin armanc, red kirin.
Berdevkê Serokatîya Misirê piştrast kir ku di civînê de pêşhatên herêmî û astengîyên niha hene hatin gotûbêjkirin. Ji hêla xwe ve Sîsî helwesta Misirê ya piştgir bo Erebistana Siûdî û hemû rêkar û gavên wê nû kir; ew rêkarên ku ji bo parastina xaka xwe û rêyên xwe yên deryayî yên navdewletî bi cî tîne.
Di mijara Filistînê de, her du alîyan tekezî li ser pêwîstîya gihîştina çareserîyeke dadmendane û berfireh li gorî çareserîya du dewletan û biryarên rewa yên navdewletî kir, her wiha bicîanîna pabendîyên gava duyemîn a plana aştîyê ya Amerîkayê û biryara Encumena Ewlehîyê ya hejmar 2803, piştrast kirin; ligel tekezîya li ser bilezkirina gihandina alîkarîyên mirovî bo Xezeyê û rawestandina binpêkirinên Îsraîlê li wê derê û li Dife El-Xwrbîye û Qudsê.
Derbarê dosyaya Sûdanê, her du alîyan biryar da ku di piştgirîya ewlehî û aramîya Sûdanê û parastina sazîyên wê yên neteweyî de berdewam bin, û tekezî li ser redkirina wekhevkirina Hêzên Çekdar ên Sûdanê ligel çi milîs an alîyên din ên nerewa, kirin.
Di civînê de derbarê krîza Yemenê, Serokê Misirê, tekezî li ser girîngîya gihîştina çareserîyeke sîyasî ya giştgîr û domdar kir, û berdewamîya hevahengî û şêwiran di navbera Qahîre û Rîyadê de li ser gelek dosyayên herêmî yên ku ji her du welatan re girîng in piştrast kir.
