Şam-SANA
Li mizgefta Şêx Ebdulkerîm El-Rifa`î li Şamê, civîneke berfireh bo îmam û xetîbên mizgeftên Şamê li dar ket, bi beşdarîya şêwirmendê serokkomarîyê ê karûbarên olî Şêx Ebdulrehîm Etûn û Wezîrê Ewqafê Mihemed Ebul-Xêr Şukrî, her wiha hejmarek endamên Meclîsa Fetwaya Bilind.
Wezareta Ewqafa Sûrîyê îro pêncşemê li ser kenala xwe ya Telegramê ragihand ku civînê girîngîya rola mizgeftê di çespandina nirxên navendîtî û nermîyê, xurtkirina yekîtîya civakê û hevgirtina wê, her wiha gotubêjkirina awayên pêşxistina xebata bangewazîyê û bilindkirina karê komîteyên karûbarên mizgeftan da ku peyama wan a bawerî û xizmetkarîyê di civakê de xurt bibe.
Beşdaran tekezî li ser girîngîya gotara olî ya hişmend di vê qonaxê de, û rola îmam û xetîban di xurtkirina nirxên hevbeş û xurtkirina ruhê berpirsiyarîyê û girêdanê de kirin.
Ev civîn di çarçoveya hewldanên berdewam de ji bo çespandina rola sazîyên olî di avakirina civakê de, xurtkirina pêkhateyên wê yên neteweyî, û ew wekî berdewamîya zincîreyeke ji hevdîtinan e ku tekezîyê li ser rola mizgeftê wekî minareyeke hişyarî û navendîtîyê dikin.
