Hims û Idlib-SANA
Di operasyoneke ewlehîyê ya tekûz de li parêzgehên Hims û Idlibê, Rêveberîya Têkoşîna Dijî Madeyên Hişbir, du belavker û bazirganên herî tirsnak ên madeyên hişbir girtin û dest danî ser hejmarek madeyên hişbir û çekan.
Îro Sêşemê, Wezareta Navxwe li ser kanala xwe ya Telegramê ragihand ku ev operasyon piştî şopandineke hûrbîn a ewlehîyê li ser tevgera gumanbaran pêk hat û di encamê de cihê wan hat destnîşankirin. Di dema serdegirtinê de, 600 hezar hebên hişbir ên keptagonê hatin desteserkirin, ligel çekên sivik û navîn, roketên RPG, cebilxane û bombeyên destan ên cuda cuda.
Wezaretê destnîşan kir ku lêpirsîn bi kesên girtî re berdewam dikin da ku hemû şaxên vê torê û operasyonên girêdayî wê eşkere bibin, berîya ku radestî dadgeha taybetmend werin kirin da ku cezayê xwe yê dadmend bistînin.
