Laziqîyê – SANA
Roja Şemîyê li Zanîngeha Laziqîyê 11emîn Qehremanîya Robotan “ARC11 Syria” bi hevkarîya alîyên akademîk û geşepêdanê dest pê kir. Di qehremanîyê de 150 xwendekar û rahêner wek nûnerên 40 tîmên ji zanîngeh û navendên pispor ên Sûrîyê beşdar dibin.
Çalakîyê 5 pêşbirk ji bo temenên cuda (Labîrent, Robota xweser, Sumo, û projeyên dibistan û zanîngehan) li xwe girtin. Her wiha dahênanên teknîkî yên wekî dermanxaneyeke zîrek û roboteke ji bo çandinîya zîrek ku xwe dispêre zîrekîya destkird ji bo kêmkirina xerckirina avê, derketin pêş.
Rêveberê qehremanîyê Muhîb El-Neqrî dîyar kir ku ev pêşbirk derfetê dide beşdarbûna di olîmpîyada cîhanî de. El-Neqrî pesnê kalîteya projeyên Sûrî û şîyana wan a pêşbazîya li ser asta navdewletî da, ku armanc jê pêşxistina behreyên xwendekaran di warê zîrekîya destkird de û avakirina nifşekî dahêner e ku pêşengîya veguherîna dîjîtal bike.
