Quneytira-SANA
Nûnerê Herdemî yê Sûrîyê li Neteweyên Yekbûyî Balyoz Îbrahîm Ulebî, ligel Alîkarê Sekreterê Giştî yê Neteweyên Yekbûyî bo Karûbarên Operasyonên Parastina Aştîyê Jean-Pierre Lacroix, îro Şemîyê serdana başûrê Sûrîyê kir.
Ulebî û Lacroix di çarçoveya serdanê de gelek civîn bi berpirs û rûspîyên parêzgeha Quneytirayê re pêk anîn. Her wiha bi hejmarek ji şênîyên ku ji ber binpêkirinên Îsraîlê zîyan dîtine re hevdîtin kirin û ji nêz ve li rewşa meydanî û mirovî ya herêmê nerîn.
Di gera xwe de serdana çend xalên leşkerî yên Hêzên Çavdêrîya Veqetandina Hêlên Şer (UNDOF) kirin.
Ev serdan di çarçoveya şopandina pêşhateyên binpêkirinên dubare yên Îsraîlê li ser xaka Sûrîyê, misogerkirina rêzgirtina li peymana veqetandina hêzan, û piştgirîya ewlehî û selametîya sivîlan de pêk tê.
