Heleb-SANA
Wezîrê Rewşên Awarte û Birêvebirina Karesatan Raid El-Salih, tekez kir ku tîmên wezaretê dest bi cîbicîkirina erkên xwe li taxên ku li Helebê di bin kontrola rêxistina HSDê de bûn kirine, ev yek wek gavekê ji bo vegerandina jîyana asayî li wan deran e.
El-Salih li ser platforma “X”ê dîyar kir ku ev erk rakirina bendên axê û vekirina rêyan li xwe digire, her wiha bi hev re dest bi karên vedîtinê kirine ji bo rakirina bermahîyên şer, da ku silametîya sivîlan were parastin û mercên guncaw ji bo vegera jîyanê werin amadekirin.
El-Salih bal kişand ser wê yekê ku ev kar di çarçoveya hewldanên niştimanî de ne ji bo vegerandina aramîyê, parastina canê mirovan, û hêsankirina vegera ewle ya xelkê bo taxên wan, ligel çareserkirina metirsîyên mayî yên ku salên şer li pey xwe hiştine.
Her weha tekez kir ku Sûrî îro bi biryar in ku Sûrîyeke yekgirtî hebe, ku bi destên kurên xwe were avakirin û rola xwe wekî dewleteke aram û geş vegire, û ber bi paşerojeke ewle ji bo hemû Sûrîyan ve gavan bavêje.
Wezareta Berevanîyê şeva borî ragihandibû ku agirbest li derdora taxên Şêx Meqsûd, Eşrefîye û Benî Zeyd li bajarê Helebê, ji saet sêyê piştî nîvê şevê heta saet nehê sibeha înê hatiye ragihandin ji bo rawestandina karê leşkerî tê de da ku serwerîya qanûnê û sazîyên fermî lê bên amadekirin. Ev biryar piştî wê yekê hat ku rêxistinê binpêkirinên xwe yên li hemberî rêkeftinên bi hikûmeta Sûrîyê re berdewam kirin û bi êrîşên xwe taxên cîran kirin armanc, ku di encamê de bi dehan sivîl hatin kuştin û birîndarkirin, ku piranî zarok û jin bûn, her wiha zîyanên madî yên mezin gihandin jêrxaneyê.
Îro di wextekî zûtir de, jêdereke hikûmî ji SANAyê re tekez kir ku hêzên ewlehî û artêşê di rojên borî de kar kirine da ku metirsîyên bi operasyona leşkerî re kêm bikin ji bo parastina canê xelkê. Jêderê her weha dilê xelkê taxên Şêx Meqsûd, Eşrefîye û Benî Zeyd xist cih kir ku jîyan dê li van taxan vegere rewşa asayî, piştî ku karên lêgerîna li mînan û ewlekirina herêmê bi dawî bibe.
