Şam-SANA
Wezîrê Xwendina Bilind û Lêkolînên Zanistî Merwan El-Helebî, ragihand ku wezaretê hemû derfetên xwe ji bo birêveçûna ezmûnên werza yekem bi pîvanên herî bilind ên destpakî û zelalîyê veqetandine, ev jî hevdemî destpêkirina ezmûnan li zanîngehên Sûrîyê ye ku sibe ne û dê nêzîkî mehekê bidomin.
Wezîr, di daxuyanîyekê de ku îro Şemîyê da SANAyê, tekezî li ser rola sereke ya kadroyên akademîk û rêveberîyê di serxistina proseya ezmûnan de kir û daxwaza hebûna çalak a li qadan û bikaranîna herî zêde ya hewldanan kir ji bo dabînkirina jîngeheke aram û îdeal ku li gorî xwendekaran be, bi awayekî ku baş birêveçûna ezmûnan bêyî ti astengî misoger bike.
Wezîr her wiha tekezî li ser pêwîstîya lez û rastbûnê di proseya rastkirina bersivan de kir, da ku encam di demên xwe yên dîyarkirî de û bêyî derengî bên ragihandin.
El-Helebî di rêya SANAyê re, peyamek ji xwendekaran re şand û tê de daxwaz ji wan kir ku bi sebir û bîhnfireh bin û dema xwe bi xîret û kedkarîyê baş bi kar bînin û ji wan re serkeftin xwest.
