Hims-SANA
Projeya “Dîyalog ji bo Aştîyê” bi hevkarîya Dîdargeha Çandî ya Yesû’î li Himsê û bi piştgirîya Bernameya Neteweyên Yekbûyî ya Geşepêdanê, komxebatek bi sernavê “Amûrên Medyakar ji bo Guhertinê û Kêmkirina Gotara Nefretê ” li dar xist. Komxebat ji alîyê parêzerê pispor El-Mu’tesem Billah El-Geylanî ve hat birêvebirin.
Komxebatê hejmarek medyakar û kesên xwedî bandor kirin mêvan, da ku rola ragihandinê di belavkirina çanda lêborîn û edaletê de gotûbêj bikin, her wiha mekanîzmayên pratîkî ji bo rûbirûbûna gotara nefretê di civakên piştî şer de dîyar kirin, bi armanca xurtkirina aştîya navxweyî û vegerandina bawerîyê.
El-Geylanî dîyar kir ku bijartina medyakaran ji ber bandora wan a mezin di civakê de ye, ji bo veguhastina rastîyê bi awayekî berpirsane, û tekez kir ku yekkirina kar û xebatê rê li ber kêmkirina alozîyan û çûna ber bi qonaxa avakirinê de li Sûrîyê vedike.
Ji alîyê xwe ve, beşdaran dît ku ev komxebat mîna platformeke dîyalogê ye, û nîşana berpirsyarîya wan di ber başkirina rewşa welat di vî warî de ye. Ev çalakî beşek ji projeya “Dîyalog ji bo Aştîyê” ye, ku armanc jê çespandina nirxên dîyalog, lêborîn û edaletê di civaka Sûrîyê de ye.
