Heleb-SANA
Hejmarek endamên zabîteya gumrikê ya Sûrîyê, ji ber encama gulebarana hin kesên nenas îro êvarî li ser dewrîyeya wan li gundewarê Helebê yê rojhilat, birîndar bûn.
Rêveberê têkilîyan di Desteya Giştî ya Dergehên Sînorî û Gumrikê de Mazin Elûş, di nivîsekê de li ser platforma ʺXʺê ragihand ku “yek ji dewrîyeyên zabîteya gumrikê ku li ser xeta Kuwêris li gundewarê Helebê yê rojhilat kar dikir, rastî gulebarana hin kesên nenas ên li ser motosîklekî bûn hatin, di encamê de hejmarek endamên dewrîyeyê bi birînên cuda birîndar bûn, û ji bo dermankirinê bo nexweşxaneyê hatin veguhestin.”
Elûş her wiha got: “Yekser û bi hevahengîya ligel alîyên peywendîdar, Desteya Giştî ya Dergehên Sînorî û Gumrikê dest bi tedbîrên pêwîst kir û lêkolîneke bilez da destpêkirin ji bo eşkerekirina hûrgilîyên bûyerê û şopandina tawanbaran.”
