Bexda – SANA
Encumena Wezîran a Iraqê, li ser erkdarkirina Rêveberê Cîbicîkar ê Kompanya Nefta Besrayê ji bo îmzakirina memorandumeke lihevkirinê di navbera Wezareta Neftê ya Iraqê û Wezareta Enerjîyê ya Sûrîyê de erê kir.
Armanca vê projeyê avakirina xeteke borîyan e ku nefta Iraqê ya tê hilberandin bi rêya Deryaya Spî bigihîne bazarên hinardekirinê yên cîhanê, di çarçoveya plana hikûmetê de ya ji bo cihêrengkirina rê û dergehên sînorî yên hinardekirinê.
Ev yek piştî ku Sûrîyê berê du bîrnameyên lihevkirinê bi Iraq û hevbendîyeke kompanyên navdewletî re îmze kiribû tê, ji bo nûjenkirin û vejandina xeta veguhastina nefta xam a Kerkûk–Banyasê, da ku yek ji giringtirîn projeyên girêdana neftê li herêmê ji nû ve bixebitîne.
Di heman çarçoveyê de, Encumenê mafê îmzekirina memoranduma lihevkirinê bi hevbendîya kompanyên cîhanî re da Wezîrê Neftê, ji bo destpêkirina gotûbêjên nirxandina derfetên lêgerîn û geşepêdanê li Zevîya Ukazê ya Gazê li parêzgeha Enbarê û deverên li derdora wê.
Ev biryar di çarçoveya sîyaseta hikûmeta Iraqê de tên ji bo geşepêdana binesazîya sektora neft û gazê, û veberhênana li zevî û qadên lêgerînê da ku hilberîn bê zêdekirin û dergehên sînorî yên hinardekirinê bên cihêrengkirin.
