Şam-SANA
Îro Duşemê, Wezareta Perwerde û Hînkirinê ragihand ku derîyê wergirtina daxwaznameyên karmendên ji hundirê mîlakê vekiriye, ji bo dagirtina hejmarek postên Rêveberîya Karûbarên Yasayî li Rêveberîya Navendî û navendên perwerdeyê yên li parêzgehan.
Wezaretê bi rêya kanala xwe ya Telegramê da zanîn ku serlêdan tenê ji bo karmendên hundirê mîlakê ye û divê li gorî pisporîyên ku di karta danasîna kar de hatine dîyarkirin be.
Wezaretê destnîşan jî kir ku divê serlêder xwedîyê bawernameya zanîngehê di warê yasa yan aborîyê de be, li gorî daxwazên her navendekê.
Wezaretê bang li kesên ku dixwazin serlêdanê bikin kir ku rapirsîya elektronîk bi rêya vê lînkê dagirin.
Wezareta Perwerde û Hînkirinê li dawîyê anî ziman ku dema bidawîhatina wergirtina daxwaznameyan dê paşê were ragihandin û piştrast kir ku hemû zanyarîyên hatine pêşkêşkirin dê bi awayekî nepenî werin parastin, û pirsîyar dikarin bi rêya kanalên fermî yên wezaretê werin şandin.
