Şam – SANA
Navenda Neteweyî ya Erdhejan, xebata xwe ya ji bo pêşvebirina pergala şopandinê û xurtkirina analîzkirina çalakîya erdhejan berdewam dike, wek piştgirîyê ji bo hewldanên nirxandina metirsîyan, kêmkirina bandorên karesatên xwezayî û parastina gîyan û malûmilkên welatîyan.
Navend wek sazîya zanistî ya neteweyî ya pispor di warê şopandina çalakîya erdhejan de li Sûrîyê tê dîtin. 27 stasyonên wê yên şopandinê hene ku li van deverên rojavayê welat in: Laziqîye: 5, Tertûs: 4, Hims: 3, li Enstîtuya Bilind a Lêkolînên Erdhejan, Qasîyûn, Serxaya, Qelemon, Quneytira, Heleb û Hema: 2, û Cêrûd: 1). Di demekê de ku navendê di meha borî de nêzîkî 475 bûyerên erdhejê tomar kirine.
Erk û projeyên navendê:
- Şopandin û arşîvkirin: Navend bi berdewamî bi rêya toreke dîjîtal çalakîyên erdhejan dişopîne û belavok û raporan derdixe, daneyan kom dike û lêkolînên derbarê wan de pêş dixe.
- Nirxandina metirsîyan: Bi rêya navendê herêmên ku herî zêde yên di bin metirsîya erdhejê de ne, tên dîyarkirin, nexşeyên metirsîya erdhejan têne sazkirin, û lêkolînên taybetmend tên encamdan.
- Binesazî û haydarkirina pêşwext: Navend tora stasyonan çaksaz dike û bi berdewamî nûjen dike, pergala haydarkirina pêşwext pêş dixe ji bo piştgirîya bersivdana rewşên awarte.
Beşên navendê û mekanîzmaya kar:
- Beşê tora stasyonên şopandina erdhejan: Beşê bingehîn û sereke yê navendê ye; erkên wî yên sereke ev in: Hilbijartina cîgehan, avakirina stasyonan, peydakirina pêwendîyê ji bo misogerkirina dabînkirina berdewam a daneyan û birêkxistina gerên meydanî yên dewrî û awarte, ji bo çaksazkirina deverên xirabbûyî û dabînkirina amadebaşîya berdewam.
- Beşê endezyarîya erdhejan û lerzên bihêz: Ev beş pispor e di warê lêkolînkirina bandora çalakîyên erdhejan li ser avahîyên ku endezyar saz dikin, ji bo pêşvebirina pîvanên avakirinê yên li dijî erdhejan. Her wiha li ser projeya “Lerzên Bihêz” dixebite da ku sîgnalên erdhejan analîz bike.
- Beşê lêkolîn û pêşvebirinê: Çalakîya erdhejan ji alîyê tektonî ve, bi rêya girêdana lerzeyan bi şikestinên qatên erdê re lêkolîn dike, nexşeyên erdhejan nûjen dike û lêkolînên serjimêrî ji bo nirxandina astên metirsîyê pêk tîne.
