Şam – SANA
Wezîrê Xwendina Bilind û Lêkolîna Zanistî Dr. Merwan El-Helebî tekez kir ku proseya perwerdeyê li Zanîngeha El-Qelemûn a Taybet bi awayekî asayî berdewam dike, û mafên xwendekaran, endamên desteya hîndekarîyê û ya kargerî bi temamî parastî ne, û tu bandor li ser dewama zanîngehê yan li ser bawerdarîya akademîk a bername û bawernameyên ku jê derdikevin nîne.
Wezîr El-Helebî di daxuyanîyên ku kanala Wezareta Xwendina Bilind û Lêkolîna Zanistî li ser Telegramê îro Pêncşemê belav kiriye de zelal kir ku, ew rêkarên ji alîyê Komîteya Nehiştina Qezenca Nerewa ve hatine girtin, tenê bi dosyayên qanûnî yên girêdayî xwedîtîya hinek şirketan ve girêdayî ne, û sazîyên perwerdehîyê yan karê wan ê akademîk nakin armanc, her wiha rûbirûyî xwendekaran yan paşeroja wan a xwendinê nabin.
