Şam-SANA
Wezareta Xwendina Bilind û Lêkolînên Zanistî tekez kir ku proseya mufaseleya zanîngehê bi temamî bi awayekî elektronîkî dixebite û bêyî ti destwerdaneke mirovî ye. Her wiha gotgotên bi mebest ên derbarê hebûna kesên ku îdia dikin dikarin kursîyên zanîngehê bi rêya “têkilîyên xwe” yên di nav wezaretê de bifiroşin, ne rast in.
Wezaretê di daxuyanîyekê de ku kopîyek jê gihîştiye SANAyê, amaje bi wê yekê kir ku ew bi girîngîyeke mezin wan gotegotên bi mebest dişopîne û tekezî li ser redkirina xwe ya teqez ji van îdiayan re kir. Wezaretê sîyaseta xwe ya neguhêr di warê bihêzkirina zelalîyê û têkoşîna li dijî gendelîyê bi hemû şêweyên wê dupat kir.
Tê zanîn ku serlêdana elektronîk a mufadeleyên qebûlkirina zanîngehê ji bo sala xwendinê ya 2025-2026an bi hemû cureyên xwe, mehekê bi temamî di navbera 1 û 31ê Cotmeha borî de berdewam kiribû. Wezaretê hewl da ku rêkarên xwe bişopîne û gavên xwe rojane ji xwendekaran re zelal bike, da ku piştrast bibe daxwazên wan di karta mufadeleyê de bi awayekî hûr û tund bên tomarkirin ji bo misogerkirina zelalîyê.
Wezaretê encamên mufadeleyên pesendkirina zanîngehê yên sala xwendinê ya 2025-2026an di 11ê vê mehê de derxistibûn. Piştre encamên mufadeleya tijîkirina cihên vala li hin fakulte û peymangehên ku kursîyên vala li wan hebûn, hatin ragihandin.
