Şam-SANA
Îro Pêncşemê, 21ê Gulanê, ezmûnên dawîyê yên werza duyem a sala xwendinê (2025-2026) ji bo polên veguhêz ên qonaxên perwerdehîya bingehîn û amadehî li parêzgehên cuda bi dawî bûn.
Rêveberê Perwerdeyê, Mihemmed Said Qedûr, dîyar kir ku nêzî 4.5 mîlyon xwendekarên keç û kur beşdarî ezmûnan bûn, ku li ser 19,515 dibistanan hatibûn dabeşkirin. Wî destnîşan kir ku ji destpêkirina ezmûnan di 12ê Gulanê de, tedbîrên rêxistinî û perwerdeyî yên pêwîst hatine girtin da ku dîsîplîn, dadwerî û jîngeheke guncaw ji bo xwendekaran were dabînkirin.
Di heman çarçoveyê de, Wezareta Perwerdeyê amadekarîyên xwe yên teknîkî, îdarî û rêxistinî berdewam dike ji bo destpêkirina ezmûnên bawernameyên giştî di meha Hezîrana bê de, bi armanca peydakirina jîngeheke ezmûnan ya aram û ewle ji bo hemû xwendekaran.
