Parêzgehan-SANA
Îro li navendên zanîngehên Hums, Şam û Menara ya Taybet, çalakiyên Dumahiya Niştimanî ya Pazdemîn a Pêşbirka Programsazî ya Sûrî ya Zanîngehan (SCPC 15) bi beşdarbûna 78 tîmên ji 55 zankoyên dewletê û yên taybet di bin çavdêriya 47 rahênankaran de dest pê kir.
Xwendekar bi berdewamiya pênc demjimêran rikberiyê dikin ji bo çareserkirina pirsgirêkin programsaziyê yên aloz li gor pîvanên cîhanî yên pêşbirkê, mekanîzma wê ji karkirina sê xwendekaran li gel rahênankarekî li ser yek kumputerî pêk tê ku divê di dema pênc demjimêran de mezintirîn hejmara pirsgirêkên programsaziyê yên curbecur di warê xewarizmiyan, bîrkariya pratîkî, peykerên datayan de, li gor kesên wê pêşbirkê birêve dibin, çareser bikin.
Rêvebirê Pêşbirka Programsazî ya Zankoyan li Sûriyê, Rebî’i Şahîn, di daxwiyaniyekê ji rojnamevanan re li navenda zankoya Humsê got:″Tîmên biserketî dê bên veguhestin ji bo nûnertiya Sûriyê li Pêşbirka Herêmî ya Zankoyên Ereban de bikin, ya biryar pê heye ku dê li Misrê di heyva kanûna paşîn ya dahatî de lidar bikeve″, û amaje kir ku navenda zanîngeha Humsê 111 xwendekaran li xwe digire , li ser 37 tîman dabeşkirîne.
Û Şahîn got ku prosesa nirxandinê di riya sîstemeke mîkanîkî ya taybet re tê kirin, di demeke kurt de çareseriyan û zûbûna pêkanîna wan dinirxîne, û ew nepoxên rengîn ên li ser maseyên tîman, dema ku di çareserkirina pirsgirêkan de bi ser dikevin, rengekî jîndariyê dide wê rikberiyê ku wê holê dike mîna tabloyeke hunerî ya mişt reng, pêşketina beşdara gav bi gav diyar dike.
Û rahênankar Mustefa el-Siyûfî yê ji Zankoya Humsê, diyar kir ku zankoya wan bi deh tîman beşdar bûye, di riya korseke girtî ya rahênanê re ku ji sê astan pêk dihat hatine amadekirin.
Û hejmarek ji xwendekarên beşdar, dîtin ku ew rikberî derfetek e ji bo hînbûnê û zêdekirina serboran û danûstandina bi hevkarên ji zankoyên Sûryê yên curbecur re, di atmosfereke rêxistinî ya cihê dilxweşyê de.
Tê zanîn ku Pêşbirka Programsaziyê ya Zanîngehan , her sal li dar dikeve, ji bo mukumkirina karînên xwndekaran di warê bîrokên xewarizmî de û karkirina li gor giyanê tîmê da ev çalakî bibe rawestgehek ji bo bijartina tîmên ku nûnertiya Sûriyê di pêşbirkên herêmî û navdewletî de bikin.
