Şam-SANA
Wezareta Aborî û Pîşesazîyê biryarek derxist ku li gorî wê Encumena Karsazîyê ya Sûrî-Ukraynî (Beşê Sûrî) tê damezirandin.
Ev pêngav di çarçoveya xurtkirina hevkarîya aborî ya di navbera her du welatan de hat avêtin.
Li gorî biryara ku wezaretê îro Duşemê belav kir, desteya birêvebir a encumenê ji van kesên jêrîn pêk tê: Mihemed Neîm Zeydîyê (Serokê Encumenê), Mehmûd Helîfî Şêx Mihemed û Emced Ebdilrehîm Faxûrî (Cîgirên Serok), Semîr Xalid Şerkes (Sekreterê Giştî) û Ehmed Xesan El-Hecî (Rêveberê Cîbicîkar).
Her wiha li gorî biryarê, encumen pabend e li gorî bendên rêziknameya bingehîn a encumenên karsazîyê yên hevbeş ên Sûrîyê, belgenameya kar û rêbernameya rêkarî bixebite; ew rêkarên ku ji alîyê Encumena Sûrî ya Hevahengîya Encumenên Hevbeş ve hatine derxistin.
