ŞAM-SANA
Rêveberîya Veguhastina Parêzgeha Şamê di nîvê yekem ê sala 2026an de bi giştî 253,446 muameleyên cuda cuda temam kirin û dahatên wê zêdetirî mîlyarek lîreyên Sûrî yên nû bûn. Ev muamele qeydkirina erebeyan, veguhestina sermîyantîyê, nûkirina ruxsetan, pişkinîna teknîkî û hin xizmetguzarîyên din bûn.
Rêveberê Rêveberîyê, Mamûn Ebdulnebî, tekez kir ku cîbicîkirina plana hêsankirina karûbaran, bilezkirina temamkirina muameleyan û pêşxistina mekanîzmayên kar berdewam e. Her wiha, kadroyên teknîkî û îdarî hewl didin ku zexta kar bigirin ser milê xwe, û muameleyan li gorî prensîbên qanûnî û di dema herî kurt de bi cih bînin.
Ebdulnebî ragihand ku şaxekî veguhastinê ji bo erebeyên mezin li Edrayê û şaxekî din li Nehr Êşê, dê werin vekirin. Di heman demê de, pêşxistina binesazîya dîjîtal berdewam e da ku karîgerîyê baştir bike, qerebalixê kêm bike û kalîteya xizmetên ji bo welatîyan were bilindkirin.
