Reqa-SANA
Wezareta Enerjîyê ya Sûrîyê ragihand ku herikîna ava çemê Firatê ji ber baranên zêde yên li herêmê, bi awayekî berbiçav bilind bûye. Ev yek bûye sedem ku asta tijebûna golên Firatê ji %85an derbas bibe.
Rêveberê Giştî yê Sazîya Giştî ya Bendava Firatê, Endazyar Heysem Bekûr, duh Sêşemê di daxuyanîyekê de ji bo welatîyên li herêma Cizîrê dîyar kir ku ji bo rêgirtina li bilindbûna bilez a asta avê, di rojên bê de dê tibaba ava ku ji bendavê tê berdan were zêdekirin. Bekûr eşkere kir ku av dê ji 300 metre sêca di çirkeyê de were bilindkirin bo nêzîkî 500 metre sêca.
Bekûr da zanîn ku ev bilindbûna asta avê dê di navbera hefteyekê heta du hefteyan de berdewam bike. Her wiha tekez kir ku alîyên peywendîdar dê welatîyan ji her pêşhatekê di derbarê herikîna avê de serwext bikin, çi ji bo zêdekirina wê be yan jî ji bo vegera li astên asayî be.
Çemê Firatê yek ji girîngtirîn çavkanîyên avê ye li Sûrîyê û wekî damarekî bingehîn ê jîyanê ji bo ava vexwarinê, avdanî û hilberîna enerjîyê tê hesibandin. Gelek zevîyên çandinîyê yên berfireh pişta xwe bi vî çemî girêdidin.
