Reqa-SANA
Rêveberê Giştî yê Sazîya Sûrî ya Dexlûdanê endazyar Hesen Osman, îro Çarşemê, li ser hin navendên wergirtinê yên parêzgeha Reqayê sekinî, bi amadebûna rêveberê bazirganîya navxweyî û parastina bikarhêner Salih El-Ehmed, û rêveberê şaxê genim Hesan Mihemed, ji bo agahdarbûna li ser birêveçûna kar û mekanîzmaya wergirtina berhemê genim yê îsal.
Wezareta Aborî û Pîşesazîyê bi rêya kanala xwe ya Telegramê dîyar kir ku serdanê sîloyên Dibsî, Selhebîyê, Kebiş, Kalte, Rafîqa, Belîx, Şirkirak û Sexratê, her weha navendên Eyn Îsa, Huneyde û Boasî li xwe girt.
Di vê serdanê de, rewşa cotkarên ku berheman radestî navendan dikin hat şopandin û li têbînî û pêşnîyarên wan jî hat guhdarîkirin, ligel agahdarbûna li ser astengîyên herî berbiçav ên ku rûbirûyî wan dibin, da ku di çareserkirina wan, hêsankirina rêkarên radestkirinê û misogerkirina herikîna proseyên bazarsazîya genim de bibe alîkar.
