Der’a-SANA
Di çarçoveya çalakîyên niştimanî de, da ku nifşên nû bi rehên xwe yên dîrokî ve werin girêdan û geştyarîya navxweyî were geşkirin, tîma keşafan a Dêra Saint George a bajarokê Besîrê serdana bajarê dîrokî yê Busra El-Şamê kir.
Tîmê di geşta xwe de li şûnwarên kevnar û resen nihêrî û li ser şanoya wê ya navdar a dîrokî hinek parçeyên muzîkê û marşên keşafî pêşkêş kirin, wekî nîşana serbilindîya bi mîrateya şaristanîyê ya deverê.
Peyamên aştîyê bi amûrên muzîkê tên jenandin
Çavdêrê giştî yê merasîman, Newar Felûh, di daxuyanîyekê de ji bo ajansa “SANA”yê dîyar kir ku armanca bingehîn a vê serdanê, keşfkirina bajarê kevn û dîrokî ye.
Felûh destnîşan kir ku pêşkêşkirina sirûdên niştimanî û marşên keşafî li ser şanoya dîrokî, wekî peyamekê hat da ku nîşan bide ku aştî û evîn bi zimanê muzîkê ku zimanê dilan ê hevpar e tên ser zimên.
Navborî her wiha anî ziman ku tîma beşdar ji 75 muzîkjenan (jin û mêr) pêk dihat.
Bernameya geşta wan a berfireh; Keleha Busrayê, Şano, Rêya Rast, Katedral, Mizgefta Omerî û bermayîyên “Textê Keça Şah” ku di salên şer de rastî wêranîyê hatibû li xwe girtin.
Felûh da zanîn ku tîm peyamekê ji bo belavkirina çanda hezkirinê hildigire û ev pêngav dê bi rêya hin geştên din li deverên cuda cuda yên Der’ayê berdewam bike berî ku berê xwe bidin parêzgehên din ên Sûrîyê.
Jîyana hevbeş û girêdana bi xaka Sûrîyê ve
Ji alîyê xwe ve, Serokê Tîma Muzîkê Danî Mihena dîyar kir ku ev geşt alîyên şahî û jîngehê li hev dicivîne da ku bi rêya muzîkê peyama aştî û biratîyê bigihîne.
Di rêza pêşîn a van berheman de sirûda Welatê min (Mewtinî) hebû, ku nirxên jîyana hevpar dihewîne.
Mihena li dawîyê bal kişand ser beşdarîya berbiçav a zarok, xwendekarên dibistan û zanîngehan da ku ji nêz ve şûnwar û gencîneyên welatê xwe nas bikin.
