Laziqîye-SANA
Berdevkê Wezareta Navxwe Nûredîn El-Baba piştrast kir ku komîteya lêkolînkirina mirina Mihemed Ximêre, ne tenê vê bûyerê, lê dê performansa hemû navendên polîsan ên li seranserê Sûrîyê û bi taybetî yên Laziqîyê jî binirxîne.
El-Baba îro Duşemê di daxuyanîyekê de ji bo SANAyê ragihand ku ji alîyê komîteyê ve dê pêşnîyar di vê biwarê de derkevin û welatî di hefteyên pêş de başbûneke berbiçav di performansa xebata beşên polîsan de bibînin.
Berdevk da zanîn ku wezaret berpirsyarîya xwe ya ji vê bûyera xemgîn înkar nake û bang kir ku mijar di çarçoveya xwe ya rastîn de bê wergirtin bêyî ku zêdegavî bê kirin an were mezinkirin.
El-Baba eşkere kir ku komîte gihîştiye navçeya El-Hefeyê da ku li şahidîya malbata kesê rehmetî û xelkê herêmê guhdar bike. Wî anî ziman jî ku dema xebata komîteyê 3 roj in, ku ev yek nîşana girîngîpêdana wezaretê ye ji bo bidawîkirina lêkolînê bi awayekî dadmendane.
Navborî bal kişand ser wê yekê ku komîteyeke bijîşkî ya bêalî û pîşeyî dê were avakirin ji bo pişkinîna laşê kesê mirî ji alîyê bijîşkîya dadwerî ve.
Her wisa spasîya parêzgeha Laziqîyê û rêveberîya herêma El-Hefeyê kir ji bo hêsankarî û hevkarîya wan û spasîya malbata xortê mirî kir ji bo hişmendî û hestê wan ê welatparêzî yê bilind.
