Şam-SANA
Wezîrê Navxwe Enes Xetab ligel hevtayê xwe yê Behreynî Ferîqê Yekem ê Rukin Raşid bin Ebdullah Al Xelîfe û şanda ligel wî, di dema hevdîtina xwe ya li Şamê de îro Sêşemê, rêyên xurtkirina hevkarîya ewlehîyê di navbera her du welatan de gotûbêj kirin.
Her du alîyan hejmarek dosye û mijarên xwedî girîngîya hevpar girtin dest, û rêyên xurtkirina hevkarî û hevahengîya ewlehîyê di navbera her du wezaretên navxwe de gengeşe kirin, bi awayekî ku xizmeta berjewendîyên her du welat û gelên bira bike, û piştgirîya stûnên ewlehî û aramîyê bike.
Ji alîyê Sûrî ve Alîkarê Wezîrê Navxwe yê Karûbarên Ewlehîyê Emîd Mulhem El-Şentût û hejmarek rêveberên îdareyan ên li wezaretê di hevdîtinê de amade bûn.
